Главная » Статьи » Лихачевские чтения IV |
Талуння лыддьöтан урок вылын М. Лихачёвлісь творчество велöтöм
Федосеева Любовь Петровна, студентка 4 курса, ГБПОУ «Кудымкарский педагогический колледж
Коми-пермяцкöй лыддьöтöм сьöрті велöтчан небöггезö М.П. Лихачёвлöн творчество пыртöм паськыта: 2–4 классэзын велöтчиссез тöдсасьöны 8 кывбурöн. Сідзжö лыддьöтöны торрез «Виль туй вылöт» повестись да «Менам зон» романісь.
3 классын велöтчиссез уджалöны познавательнöй текст сьöрті, кöда шусьö «Нія чужтісö коми-пермяцкöй литература», кöда тöдсöтö гижисьлöн просветительскöй уджöн. 4 класс понда небöгö пыртöм гижись йылісь текст, кöдаись велöтчиссез тöдасö М. Лихачёвлöн олан да гижан туй йылісь да кытшöм ыджыт удж гижись керис коми-пермяцкöй кыв вылын велöтчан небöггез лöсьöтöм понда. Петö, что М. Лихачёв йылісь начальнöй школаын велöтчиссезлöн тöдöммез лоöны тырмöмви. Талуння лыддьöтан урок велöтісь чулöтö Федеральнöй государственнöй образовательнöй стандарттэз сьöрті. Лыддьöтан урок М.П. Лихачёвлöн «Станок» кывбур сьöрті вöлі чулöтöм поурочнöй практика коста Белоевскöй шöрöт школаись 3а классын (велöтісь Плотникова Людмила Васильевна). Велöтчиссез уджалісö ыджыт интересöн, перыта керисö быд удж, кужисö ордчöтны кöркöся да талуння орсан. Сувтöтöм моггез вöлісö тыртöмöсь.
Литература 1. Енöшка: 3 класс понда лыддьöтан книга /Сост. В. Федосеева, А. Гусельникова, А. Нечаева. – Кудымкар, 2004. 2. Лихачёв М.П. Избранное. – Кудымкар: ГКБУК «Коми-Пермяцкий этнокультурный центр», 2014. 3.Федеральный государственный образовательный стандарт основного общего образования/ Министерство образования и науки Российской Федерации. – М.: Просвещение, 2011. 4. Чуманок: 4 класс понда лыддьöтан книга /Сост. В. Федосеева, А. Гусельникова, Н. Мехоношина, А. Нечаева. – Кудымкар, 2006. 5. Югöрок: 2 класс понда лыддьöтан книга /Сост. В. Федосеева, А. Гусельникова, Н. Мехоношина, А. Нечаева. – Кудымкар, 2003. | |||||||||
Просмотров: 225 | | |
Всего комментариев: 0 | |