КОМИ-ПЕРМЯЦКАЯ НАЦИОНАЛЬНАЯ БИБЛИОТЕКА им. М.П. Лихачёва

Сост. Галкина Г.Г.

Городлöн шоччисян центрын
2001 годся ноябрь 2 лунö, 18-00 часö.

Посвящайтчö поэт М.П. Лихачёвлöн
100 - годся юбилей кежö

Сцена ЦД-лöн учöтжык залын оформитöм коми-пермяцкöй оланiсь мотиввез сьöртi:
− деревенскöй керкулöн разрез: гор-печка дын ухват, чугунка;
− лабич вылын печка бокын кринка налевкаöн;
− пызан вылö ольсалöм пызандöра, эстöн быдкодь стряпня подноссэз вылын и ордчöн сулалö брагаöн туис;
− джоджын да лестница вылын ольсалöмöсь половиккез.

Авансцена вылын шульга бокын öшалö М.П. Лихачёвлöн портрет, рамка баситöм узора чышкöтöн; веськытланьын коми-пермяцкöй узоррезiсь сер тор.

Стенаэз дынын зал гöгöртöм стуллэзöн, а сцена вылын сулалöны скамейкаэз фольклорной ансамбль «Силькан» понда да Кекурскöй посадiсь сьылiссез понда.

Гажа рыт чулöтö керкуись хозяйка Галина, аслас отсалiссезкöт – Маринакöт да Нинакöт.
Хозяйка (ведущöй) баитö комиöн, но мукöдпырся и рочöн, сiйöн, что нельки рыт вылын вермасö лоны и роч отир, кöдна комиöн озö вежöртö. «Силькан» фольклорнöй ансамблись участницаэз пукалöны уджöн скамьяэз вылын и сьылöны.

I часть «Гöссез панталöм»

М.П. Лихачёвлöн песня «Асьным армия зорöтiм»

Асьным армия зорöтiм,
Некинлiсь сiя оз пов.
Царьлiсь троннэсö пöрöтiм,
Олан керамö мöдпöв.

Книга лыддьö, кöр пукалö
Миян дона гöрд герой,
Кöр винтовкаöн сулалö
Да видзöтö лун и ой.

Кыдз помещик пондас локны –
Кыз кынöм тэ, ой-ей-ей!
Юр гöгöртам, пондам локны,
Кулан штык увтын кыдз той.

Миян Армия Советскöй
Эз эд повлы некöр на.
Вит пельöса сылöн сотчö
Юр вевдöрын гöрд звезда.

Зал шöрö петö хозяйка Галина, киас серöтöм чышкöт вылын нянь да сов.
− Локтö, локтö, дона отир, локтö.

Пырö-пырö, бытшöм йöз! Мыйöн богатöсь, сiйöн и радöсь.

− Проходите, не стесняйтесь, по стульям да по лавкам размещайтесь. Хоть не двор, да будет всем простор.

− Арся бур рытöн, дона ёрттэз!

Здравствуйте, друзья!
Тiянлö месянь, хозяйкасянь,
Ыджыт пым привет да лажмыт поклон.
(Лажмыта копыртчö)

Вот и арся кад сибалiс,
Карчйöрын, ыблын му кушамис,
Ямаын, джоджулын карчыс зэв уна,
Пызан вылын спорина.
Эм мыйöн празднуйтны, эм мыйöн тöвсö чулöтны и тулыссö пантавны.
- Сiдз, инькаэз?
Участницаэз фольклорнöй ансамблись «Силькан»
М.Т. – Верно, Галина! Хоть и не сахарно живем, но не причитаем, больше песни поем! (Босьтö киö нянь-сов).

Хозяйка: Вот сiдз, дона ёрттэз!
Дорогие гости! Грусть-тоску у входа бросьте. На наш веселый вечер милости просим!

− Примитö миянсянь нянь да сов. Сейö-пешлö, сола ли, шöма ли миян няньыс.
− А тiйö отсалiссез, менам ерттэз!
Чожжыка меным отсалö – сурöн да туран-брагаöн юкталö.
(Потшшуйтö хозяйка няньöн-солöн, отсалiссез юкталöны брагаöн. Фольклорнöй ансамбль «Силькан» сьылö песня М. Лихачёвлiсь «Одзжык олiм бусын саын».

− Спасибо! Песня сьывсьö сiдз, кыдз овсьö. Гижис этö песнясö кин бы шуат?
− М.П. Лихачёв. Поэтлö онi тырис бы 100 год талуння ноябрь 2 лунö.

Этö нiя, миян коми-пермяцкöй литератураын основоположниккез да зорöтiссез, М. Лихачёв да А. Зубов, пондöтiсö традиция колхознöй керкуэзын, изба-читальняэзын да клуббезын чулöтны том да неграмотнöй отиркöт гажöтчан рыттэз, не только орсаннэзöн, гармоння сьöртi сьылöмöн-йöктöмöн. Рыт коста интеллигенция неграмотнöйезкöт невнаöн тöдсöтiсö быдкодь политинформацияöн, виль стиххезöн, сочиняйтiсö öтлаын виль олан йылiсь песняэз да частушкаэз. Мукöдыс вайлiсö сьöраныс быдкодь удж, мед кадыс пользаöн чулалiс. Вот сiдз олiсö миян айезным да маммезным.

Миян рыт вылö локтiсö мастеррез: Людмила Ивановна Попова, Галина Алексеевна Казанцева, Василий Филимонович Хозяшев да Людмила Аркадьевна Мелюхина. Нiя мыччаласö ассиныс кужöмсö талуння рыт коста.

Сетам кывсö Субботин-Пермяк нима окружнöй краеведческöй музейись уджалiсьлö Любовь Михайловна Васькиналö, кöда висьтасяс, мый кольччис музейас Лихачёв йылiсь.

Хозяйка: Спасибо бур висьтасьöм понда, юö брага да шоччисьö öтлаын.

Так вот, мастерицы, вы работайте и слушайте, что и почем. Лапти плетите, варежки вяжите. Холсты натките, а также кваску попейте (помощницаэз юкталöны квасöн).

Весело спляшите!

(Участницы слушают, работают, для гостей беседа, затем пьют квас, кладут работу на скамеечку, под музыку «Басöк нывка»).

«Басöк нывка»
(Песнясö гижисö öтлаын кык друг М.П Лихачёв да А.Н. Зубов)

– Вот кытшöм бытшöм йöз.
Разь висьталан, что öння кадö умöля овсьö?
– Неплохо живется, раз пляшется и поется.
(Локтöны шумöн виль гöссез. Кекурись фольклорнöй группа).

Гости: Шум стоит среди двора,
Песня льется, как вода.
Постояли и решили
Заскочить на голоса!

Хозяйка: Здравствуйте! Проходите да хвастайте, кто вы и откуда?
Заходите, не стесняйтесь,
Гости у нас все почти, -
Вы последние пришли.

Гости: 1-я: Не зареченские мы и не здешние…
2-я: Кекурчана ми, Кудымкарскöй волостись олiссез.
3-я: Марина Ивановны Пономарева, культураын юралiсь, миянöс гажа рыт вылö туйдöтiс. Мöд год вылас миян эд тожö локтö эттшöм жö юбилей, тырас 100 год Н.В. Поповлö, кöда чужис да олiс Кекурын.

Хозяйка: Ой, дона миян соседдэз, пуксьö чожжык, локтö да шоччисьö. (Сели по лавкам).
Гостья: А как нам быть?
С ходу веселью дух дать или на потом оставить?

Хозяйка: Успеем… Плечами мы встряхнем потом.
А пока с дороги да с устатку
Кваску попьем! (потчуют кваском).

- Всю осень брагу я цедила
Только вот к губам своим еще не подводила.
- Кузь ар ме брагасö чилькöтi вельт уна,
Тагья майöлöн шöммöтi ме сiйö öддьöн ёна.
Брага шогмис кыдз туран.
Кыдз юан, сiдз и гатш таралан.
А тiйö юö, юö, пель сайö эд кисьлö, но и эд кодззö!
- Вы, гости, пейте за уши не лейте,
Но и не пьянейте!
(Берет в руки гармонь).

II. Гажöтчан кад

Хозяйка: (петö гармошкаöн).
Каждöй рыт вылын волiсö гармонисттэз, нытöг эз чулав Коми крайын öтiк праздник. А раз орсö гармоння, то и частушка сьывсьö буржыка и кок йöктö ёнжыка.

Мый керан, керны нем.
Сякöй морт миянын эм:
Сьылiсь, йöктiсь и кужись,
Весь олiсь и уджалiсь.

Но, а кыдз миян брага да сур?
Öддьöн бур! Оз-ка я тiянöс сьылöт? А ме бы сьылышта ни бöра.

Выхожу и начинаю
Первую начальную, –
Не пора ль развеселить
Публику печальную.

Я частушечку спою,
А вы, мне гости подпоете.

Эх, квас, ну и квас
Раззадорил нынче нас!

Договорились? Повторим еще раз!
- Я поставлю нынче квас и т.д.
- Квас не пьешь какая сила…
- Все не спеть нам здесь частушки…
- Кто сложил такие байки…
- Спасибо! Дона отсалiссез менам,
Колö бы бытшöм йозсö ёнажыка гöститöтны

(Потшшуйтöны пирöггезöн да шаньгаэзöн)
- Сёйö, сёйö роднöйöсь тi менам,
Вердам ми тiянöс. Угощаем, но не за так, не за пятак,
Но и не бесплатно.
Рассчитаться так и сяк
Заставим каждого из вас:
кто словом добрым, кто словом дельным, острым умом поделится, силой в конкурсах померяется, мастерством похвастается.

- Вот видзö меным ответ сэтшöм вопрос вылö: кытшöм начинкаись коми-пермяккез пирöггез пожалöны?

Кин первöй, кин медбöрья? Козин заптi бурö (солонка, шкатулка).

III. Почетнöй гöссезкöт тöдсасьöм

Хозяйка: Довольно! Повеселились. Колö бы öнi буржыка тöдсасьны. Öксисö гажа рыт вылö талун не только сьылiсь да йöктiсь отир татiсь, Кудымкарись да районiсь. Талун миян книга водитiсь да радейтiсь отир быдсöн Коми округись öксисö, мед М.П. Лихачёвöс почитайтны. Сiдз жö гажа рыт вылö локтiсö, ме адзза, гижиссез. Косаись – Семен Алексеевич Федосеев, Юсьвинской районiсь Крохалева посадiсь – Людмила Петровна Гуляева и Кудымкарись – Старцева Любовь Афанасьевна.

Кыдз жö донтöны öнняся гижиссез Михаил Павловичлiсь творчествосö, мый босьтöны сы уджись и кыдз нöбöтöны одзлань. Сетам кывсö Семен Алексеевич Федосеевлö.

Сетам кывсö Мария Петровна Караваевалö, кöда öддьöн бура тöдiс Михаил Павловичöс…

Сiдз жö талун миян рыт вылö локтiс Куваын олiсь Анастасия Николаевна Суханова, кöдö томувьяс велöтiс Михаил Павлович.

А онi корам гöстяöс Алефтина Степановна Лобановаöс, Пермскöй педагогическöй университетiсь велöтiсьöс.

Сетам кывсö культуралöн окружнöй управленнёись начальниклö, Надежда Афанасьевна Минуллиналö.

Оз кус таланттэз коласын бичир, зорамö округын культура, искусство да литература. Эм кинлö сiйö зорöтны: композитор А.И. Клещин; народнöй артистка А.Г. Котельникова; художниккез - Евстигнеев Д.С., Оньков В.Н.; гижиссез – В.В. Климов, Ф.С. Истомин.
Тöдöны ли Михаил Павловичлiсь творчествосö öнняся том отир?

Педучилищеись велöтчиссез лыддясö кынымкö стихотвореннё: «Керкуын», «Кудымкар», «Ар», Нина Исаева «Лихачёвлö», «Козинтöг» поэмаись тор.

Хозяйка: А вот тöдö ли кинкö тiян коласiсь эшö стихотвореннёэз?
(Висьтасьöны Кекурись челядь. «Школаö», «Пашко да Серко», «Пистикла»).

Хозяйка: Мый жö бы эшö кылiс, кинöс адззылiс талун миян гажа рыт вылын Михаил Павлович, если бы вöлi сiя ловья?

Ноко, кругö гармонщиккез петам, отирсö гажöтам-орсыштам, сьылыштам, йöктыштам. Асланым кужöмöн тожö ошшасьыштам.

Хозяйка: тöдсасям гармонисттэзкöт: Караваев Юрий Григорьевич, Попов Василий Иванович, Овчинникова Раиса Петровна.

IV. Орсаннэз да йöктаннэз

1. Частушечнöй конкурс «Шыд пуны».
Öнi сетам кывсö Кекурись фольклорнöй коллективлö.
(Песня, музыкальнöй игра, полька, кадриль и коми кыв вылын сценка).

Гöссез: 1-й. Тырмас брагасö юнытö, кад и гортö муннытö.
2-й. Спасибо тiянлö гажа рыт понда.
3-й. А мöдгод миянöдз вовлö.
(Кекурись коллектив мунiс).

V. Финальнöй тор

Хозяйка: Спасибо бытшöм йöзлö, дона отирлö, тiянлö сы понда, что тiйö эд орддьö миянöс, что донтатö культура и зорöтатö литература.

И медбöрын быдöнным öтлаын йöктам «тупи-тап».