Главная » Статьи » Лихачевские чтения I |
Васькина Т.А., Гуринскöй шöрöт школаись велöтiсь М.П. Лихачевлöн повесть «Виль туйöт» абу ыджыт, но идейнöй содержаннё да художественнöй достоинствоэз сьöртi произведеннёыс бур. Действие мунö Конановчи деревняын. Геройес – коми-пермяцкöй крестьяна ны вековöй укладöн, нылöн пырся занятиеэзöн, уджöн, бур олан йылiсь думаэзöн. И баитöны нiя сiдз, что öтамöдöс вежöртöны öтiк кывсянь, баитöны важся фразаэзöн, кöдна мыччалöны ны гöгöрись олансö. И Лихачёв пондöтö повестьсö тöвся кымöра асылöн, пурга-падера погоддяöн, мыччалö вöррез шöрö öшöм деревня, кöдаись, кажитчö, и петны оз туй. Отирыс кошшöны туй. А беднöй крестьяна одзын нiя куима: Деревняын мунö классовöй пессьöм. И эстöн сетсьö понятие пейзажлö, кöдö гижисьыс пыртö кык могöн: öткö, мед мыччавны, что геройкöт лоö сiя жö, мый пейзажын, мöдкö, медбы сувтöтны пейзажсö морт состояннёлö паныт. Повестяс геройес абу уна, но и ны коласын тыдалöны кык группировка: виль туй кузя мунiссез и нiя, кин нылö мешайтö строитны виль олансö. Повестьлiсь содержаннёкöт тöдсасикö велöтам челядьöс составляйтны цитатнöй план. Эта уджыс сизимöт классын велöтчисьлö кöть и тöдса ни, но абу кокнит. Колö эд правильнöя бöрйыны цитата, кöда осьтö содержаннёлiсь главнöйсö. Петö сэтшöм цитатнöй план: II. гл. «Отирыс кошшöны туй» III. гл. «Мося Мишка тшöктö вийны Андрейлісь зонсö». IV. гл. «Коллектив пансьö». V. гл. «Сьöкыт эта вöлi кадыс». VI. гл. «Локтiс тулыс». VII. гл. «Кулацкöй бунт». VIII. гл. «Бунтовщиккез получитiсö заслуженнöй наказаннё». IX. гл. «Чулалiс куим год». И сiдз, мийö тöдiм, что коллектив Конановчиын пансис. Но миян, велöтiссезлöн задачаыс мыччавны, кытшöм сьöкыт вöлi нiйö панны, мыччавны, что не быдöс пыр оланас бур да волькыт, что вöлi жестокöй пессьöм кулаккез да крестьяна коласын, что коллективизация дырни и вöлiсö ошибкаэз правительство ладорсянь. Кыдз жö чужис миян Киров нима колхоз? Миян территория вылын (Мижуевскöй сельский совет) колхоззэз пондiсö аркмыны 1927 годö. Мижуй ладорись деревняэз пырисö Ёгвинскöй колхозö (председатель – Петров В.В.), Гурина ладорись деревняэз пырисö Белоевскöй колхозö. 1930 – 1934 годдэзö колхозлöн öння территория вылын аркмисö 11 колхоз. 1950 годсянь 1959 годöдз ныись öтлаöтöм бöрсянь кольччисö 3 колхоз: 1) « Путь Ильича» – сэтчö пырисö Алёкова ладорись деревняэз (Председатель Гуляев И.И.); А 1959 г. энö колхоззэсö öтлаöтiсö. Аркмис öтiк – Киров нима колхоз (Председатель – Гуляев И.И.). 1961 г. колхознöй собраннё вылын председательöн бöрйисö Кетов Валерий Петровичöс, и сiя уджалiс юралiсьöн 1993 годöдз. 1993 – 1995 гг. – веськöтлiс колхозöн Тупицын Владимир Николаевич. 1995 годсянь уджсö организуйтö Трушников Михаил Николаевич. Колхозын нёль производственнöй бригада, уджалöны куим МТФ, кык кукань ферма, и колхоз вöдитö порссез. Коллективизация чулалiс, а кыдз жö сiя мунiс отир сьöлöммез пыр? Сьöкытöсь вöлiсö эна луннэс, эта кадыс. Бура мешайтiс классовöй врагыс, но «оссьö виль лун, вайö виль удж, югдöтö чужöмбан, перытсьöтö йöзлiсь вир. Пондöтчö виль олан». Виль олансö дорöны передовöй отир. Ны коласын Рыжык. «Дзар керан сы вылö, дак абу бытьтö и тыдалiсь мортыс, а ви-дзöтан кö сы вылö бытшöмика, сэк казялан: уна эта мортлöн вын, мывкыд, чорыта сiя тальччöм виль туй вылас. Крест пуктöма быдöс важыс вылö да оськöлöн мунö одзлань». Рыжыклöн характеристика. План. 1. Кин сэтшöм Рыжык? Урок вылын (или гортын) позьö составляйтны геройезлiсь характеристика группаэзöн: I. гр. – Рыжыклö. Кыдз уджавны характеристика вылын? Произведеннёлöн содержаннё вылын уджалiкö позьö чулöтны викторина сэтшöм вопроссэз сьöртi: «Кокас сылöн руд пимиэз, суконнöй вешьяна. Öнi сiя богатöй: деньга öксьöма сотня-мöд: вузалiс керку, пода, берсясö». «Баитö сiя жагöна, кыдз из тэчö сьöрсьöн-бöрсьöн додь вылö. Кыдз векнитик щеллез пытшксянь дзуз видзöны лэчытöсь, пыжьян кодь синнэз, сiдз нiя и видзöтöны – мöртчöтчöны мортыс сивиö, лöсьöтчöны каттьыны мортсö чераньвезö». «Неыджыт мыгöра, вöснитик, сяркан голоса морт. Синкыммес, кыдз кöз увез, вывлань кыссьöны, чур видзöны. Синнэс учöтикöсь, перытöсь. Юрси тшöтшкöртöм, юр вылас кыдз шапкаок пукалö, дзар видзö-свиттялö, оз эд, тыдалö, дышöтчы öтпыр-мöдпыр елейöн мавтны». «Учöтсянь радейтö сiя книгаэз, бура велöтчис да кончитiс начальнöй школа. Казявтöг быдмис да лоис зэв мича зон. Мывкыда эта мортыс, уна вермас керны сылöн высиныс. Кыв кö горöтчас, кыдз черöн тякнитас да лэчыта висьталас». «Оз сiя лысьт Андрейлö кыв горöтчыны, немись мукöд пырся леш-вош видас жöникыс. 25 год ни олö сыкöт, маитчö». «Эз ешты сiя висьтавны Рыжыклö, мый кылiс талун ойнас: кыдз хозяиныс да мукöдыс лöсьöтчисö сiйö вийны, кыдз перво, мед син одзись быдöс вуджöтны… Пессьö сьöлöмыс, кыдз молотоккезöн кинкö вартö кöсичаэзö, нем оз письты керны. Нырыштсис öшын косякас, сулалö, кыдз кельдöтöм лист». Неыджит проверочнöй уджöн лоас сэтшöм тест. 1. М. П. Лихачёв аслас «Виль туйöт» повестьын мыччалö: 2. Кытöн мунö действие? 3. Кин лöсьöтчис мунны Сибирьö? 4. Богаттё порйöтöны нимлун? 5. Кин видзö строшнöйöн Öринöс? 6. Кин сьöрö мунö беднота? 7. Муэсö локтiсö меряйтны городiсь? 8. Медбöрья главаын событиеэз вотöдз чулалiс: 9. Кин юралiсьыс виль аркмöм колхозын? 10. Повестьын ним означайтö? Ответтэз: 1(в), 2(б), 3(а), 4(г), 5(а), 6(б), 7(а), 8(б), 9(в), 10(а). М.П. Лихачёвлö. Тэ Йöг посадын кöркö чужин, Т. Васькина | |
Просмотров: 718 | | |
Всего комментариев: 0 | |