Главная » Статьи » Писатели Коми-Пермяцкого округа

«Пармалöн гижиссез» лоисö победителлез коласын

Талун (март 20 лунö) Коми-Пермяцкöй округлöн уджжез сьöртi Министерствоын козьналiсö Дипломмез победителлезлö да призёррезлö

«Пармалöн гижиссез» лоисö победителлез коласын.

«Пармалöн гижиссез» лоисö победителлез коласын, изображение №1

Ыджыт и ыджыт спасибо висьтала организаторрезлö «Кыв менам дона» акциялöн рамкаэзын быдкодь конкурссэз чулöтöм понда. «Писатели Пармы» чукöрлöн гижиссез пешлiсö ассиныс вын «Ме радейта коми кыв» нима флеш-моблöн конкурсын и лоисö победителлез коласын. Мый понда ошка гижиссезöс, муöдз копыр вежöр понда. Этö Нечаева Валентина Викторовна, Людмила Алексеевна Никитина, Татьяна Васильевна Савельева, Надежда Александровна Мальцева. Думайта и одзлань миян гижиссез оз мунö бокöн мöдiк ни конкурссэз, кöднö чулöтöны Коми-Пермяцкöй округлöн уджжез сьöртi Министерство, Коми-Пермяцкöй этнокультурнöй центр, «Югöр» чукöр.

Лоö миянкöт, кин донтö да радейтö коми-пермяцкöй кыв, кин сёрнитö чужан кыв вылын, кин гижö сы вылын кывбуррез, поэмаэз, висьттэз, пьесаэз, повесттез и сiдз одзлань!

Е.И. Коньшина, «Писатели Пармы» чукöрлöн юралiсь.

Источник



Источник: https://vk.com/@-193117104-parmaln-gizhissez-lois-pobeditellez-kolasyn
Категория: Писатели Коми-Пермяцкого округа | Добавил: Библиотека (12.01.2021) | Автор: Библиотека
Просмотров: 196 | Теги: Дипломмез победителлезлö да призёрр, Коми-Пермяцкий округ, Кудымкар, Министерствоын козьналiсö, коми-пермяцкие писатели, Талун (март 20 лунö), Коми-Пермяцкöй округлöн уджжез сьöр, лауреаты | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]